Konferenca e Kryetarëve miraton shtyrjen e afatit për veprimtarinë e Komisionit të Reformës Zgjedhore.

Në datën 10 shkurt të vitit 2022 Kuvendi miratoi ngritjen e Komisionit për Reformën Zgjedhore me 119 vota pro, asnjë kundër dhe asnjë abstenim.

Ditën e djeshme, pas mbledhjes në Kukës me deputetë të opozitës, Gazment Bardhi tha për mediat se është vendosur ngritja e Komisionit për reformën Zgjedhore, duke njoftuar se bashkëkryetar do të jetë Oerd Bylykbashi.

“Jemi ndalur në agjendën parlamentare të të enjtes, me fokus reformën zgjedhore. Sot kemi autorizuar ngritjen e komisionit që të propozojë projektvendimin për këtë reformë, bashkëkryetar është caktuar Oerd Bylykbashin, anëtarë Dhurata Çupi, Dashnor Sula, Ervin Salianji, Tomorr Alizoti, Lindita Metaliaj, Shpëtim Idrizi, Fatmir Mediu dhe Petrit Vasili. Komisioni do të asistohet nga ekspertë të OSBE- ODIR.

Për ne është e papranueshme që në dy vite komisioni i reformës zgjedhore nuk ka prodhuar asnjë rezultat duke favorizuar vjedhjen e vjedhjeve nga Rama”, tha ai.