Prokuroria e Elbasanit, në bashkëpunim me policinë, ka filluar hetimet për ndotjen e mjedisit nga kompania Kurum pas zjarrit të ndodhur një ditë më parë, megjithëse ekspertët e sigurisë e cilësojnë ngjarjen si një aksident të ndodhur natën e mëparshme.
Masa e skrapit të grumbulluar për disa muaj përfshin bateri të ndryshme të makinave, e cila është e vështirë të shuhet, ndërsa shtëllunga e tymit vazhdon të lëshohet në ajër.
Banorët e zonës,janë të shqetësuar për shëndetin e fëmijëve të tyre duke e konsideruar këtë si një problem të përsëritur. Ata kërkojnë që autoritetet kompetente të ndërmarrin masa të menjëhershme.
Kjo ka ndodhur shumë shpesh. Duhet te merren masa se ky vend ështe i ndotur. Ngjarja mund të jetë aksidentale po ky popull është i helmuar. Organet e drejtësisë të marrin masat.
Ndotjen e kemi gjithmonë por dje më keq. Fëmija nuk pranon të jetojë , shit shtëpinë të largohemi thotë. Institucionet nuk duhet të heshtin se ka të bëjë me shëndetin”- u shprehën disa prej banorëve.