Zv. Kryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, organizoi një darkë pune me Përfaqësuesin Special të BE-së për Dialogun Kosovë-Serbi, Miroslav Lajçak.
Në këtë takim u bisedua mbi të gjitha aspektet që lidhen me zbatimin e plotë të Marrëveshjes Bazike të Brukselit dhe Aneksit Implementues të Ohrit.
Në një njoftim zyrtar, theksohet se Republika e Kosovës është e përkushtuar për normalizimin e plotë të marrëdhënieve me Serbinë dhe për arritjen e njohjes reciproke. Ky takim shërbëu si një platformë për të adresuar çështjet e ndërlidhura dhe për të ndjekur përparimin në procesin e normalizimit të marrëdhënieve ndërmjet Kosovës dhe Serbisë në drejtim të një zgjidhje të qëndrueshme dhe të paqësorëm.