Kryeministri Edi Rama prezantoi sot arritjet e qeverisjes së Partisë Socialiste në Asamblenë e Zgjeruar në Durrës. Duke folur para Kongresit të PS-së, i cili pritet të mbahet në dhjetor, Rama theksoi sukseset e turizmit.

Ai shprehu qëllimin e qeverisë për të kapur shifrën e 20 milionë turistëve në vitin 2030, duke përmendur rritjen e numrit të turistëve në Shqipëri, të cilët këtë vit janë rreth 9 milionë deri më tani.

Rama beson se kjo synim është i arritshëm për Shqipërinë për shkak të rritjes së qëndrueshme të ekonomisë dhe konfirmimit të kësaj nga FMN-ja.

Mund të arrijmë në 2030 shifrën e 20 milionë turistëve. Jemi në një nivel të ri. Nëse shohim të dhënat edhe të institucioneve ndërkombëtare edhe shifrat e buxhetit shikon që është hapur një portë e re, për Shqipërinë dhe për shqiptarët. Realisht jemi në një fazë që po mbledhim përditë e më shumë atë çka kemi mbjellë dhe kemi kultivuar me shumë përpjekje vite më parë. Na është dashur të nisemi nga pika shumë të ulëta në çdo aspekt. FMN thotë që Shqipëria ka një nga ekonomitë më rezistente të rajonit.