Kreu i Grupit Parlamentar të Partisë Socialiste, Bledi Çuçi, ka theksuar dixhitalizimin e shërbimeve qeveritare si një histori suksesi në fjalën e tij në Kongresin e PS. Ai bëri të ditur se 1237 shërbime ofrohen vetëm online, duke eliminuar nevojën për kontakt fizik nëpër sportele.
Çuçi shpalosi ambicien për të shtrirë revolucionin teknologjik edhe në shërbimet e qeverisjes vendore, duke paralajmëruar një transformim të paimagjinueshëm në mënyrën sesi qeveria lokalizon shërbimet për qytetarët.
Gjithashtu, ai theksoi ndërprerjen definitive të zinxhirit korruptiv në fushën e pronës përmes përdorimit të teknologjisë, duke sjellë një revolucion në sistemet e Kadastros. Ky hap ka për qëllim përmirësimin e transparencës dhe luftën kundër korrupsionit në këtë sektor kyç të administratës publike.
Një transformim i paimagjinueshëm më parë, me plot 1237 shërbime që ofrohen vetëm online, pa radhë nëpër sportele e larg çdo kontakti fizik me nëpunësit. Nuk mbaron e gjitha këtu. Revolucioni ynë teknologjik do të shtrihet në mënyrë kapilare edhe në shërbimet e qeverisjes vendore
