Pas rastit të shënuar në kryeqytet, ku një i ri u arrestua sepse fotografoi votën, dy raste të tjera kanë ndodhur në qytetin e Vlorës.

Një person në një nga Qendrat e Votimit ka fotografuar votën dhe ka arritur ta hedhë në kutinë e votimit.

Ka pasur disa replika me anëtarët e komisionit, pasi ka fotografuar votën e ka hedhur atë në kuti.

Komisionerët kanë njoftuar policinë për rastin, pasi kanë identifikuar personin, por ende nuk është bërë i mundur arrestimi i tij.

Ndërsa rasti i dytë në qytetin bregdetar është në Qendrën e Votimit me numër 44, 98, ndërsa nuk dihet ende nëse është arrestuar.

Personi më pas është larguar nga vendi dhe anëtarët e komisionit kanë shënuar një procesverbal për këtë çështje. Personi që ka votuar është identifikuar me emër e mbiemër, ndërsa ende nuk është shoqëruar në komisariat.

Debate ka pasur në shkollën Ismail Qemali, sa i përket listave të jashtme. Vetë polica në këtë rast s’ka mbajtur shënime.