Sipas MeteoAlb, pjesa e parë e ditës do të jetë nën ndikimin e motit të kthjellët dhe vranësirave të lehta në zonat veriore ndërsa në zonat jugore dhe pjesërisht në qendër vranësirat do të jenë më të shpeshta.

Parashikohet që gjatë orëve të pasdites vranësirat gradualisht të shtrihen në të gjithë territorin shqiptar, ku më të theksuara do të jenë në ekstremin Jugor dhe disa zona në qendër duke rrezikuar momente me pika shiu.

Edhe gjatë natës moti; mbetet me vranësira të shpeshta dhe reshje shiu e dëbore në zonat verilindore dhe juglindore, por reshjet do të jenë në sasi të pakta.