Një ngjarje e rëndë ka ndodhur sot në qytetin e Ballshit. Sipas burimeve nga policia, një i moshuar, shtetasi me inicialet F.A., 75 vjeç, teksa ka marrë pensionin në sportelet e postës në lagjen “28 Nëntori”, dyshohet se ka humbur ekuilibrin dhe ka rënë nga shkallët, për pasojë ka humbur jetën në vend. Kalimtarët, teksa kanë parë të moshuarin shtrirë përdhe, kanë njoftuar policinë si dhe një ekip mjekësor të cilët nuk kanë mundur ta rikthejnë në jetë. Sipas burimeve nga policia, të moshuarit dyshohet se i ka rënë infarkt. Grupi hetimor vijon punën për zbardhjen dhe dokumentimin e ngjarjes.

Në njoftimin e Policisë, thuhet se rreth mesditës, në lagjen “5 Shkurti”, pranë Postës, dyshohet se për shkak të një arresti kardiak ka humbur jetën shtetasi F. A., 75 vjeç, banues në fshatin Hekal, Mallakastër. Nga veprimet e para hetimore të kryera nga grupi hetimor rezulton se 75 vjeçari ka rënë nga shkallët si pasojë e arrestit kardiak. Grupi hetimor po punon për dokumentimin e plotë ligjor të rastit.