Kryeministri Edi Rama ka bërë të ditur se në kuadër të përmirësimit të financimit të pushtetit lokal, bashkitë me performancë të mirë do të përfitojnë mbështetje shtesë nga Ministria e Financave. Ai gjithashtu ka paralajmëruar një rishikim të pagave në pushtetin vendor, duke synuar unifikimin e tyre me ato në pushtetin qendror. Kjo ndryshim pritet të zbatohet për të eleminuar dallimet në nivelin e pagave dhe të sigurojë drejtësi financiare mes bashkive.

“Kush performon më mirë do të ketë mbështetje nga Ministria e Financave kur shpërndan grantin e pakushtëzuar. Pra do ketë një dallim ndryshe për ato bashki që kanë performancë më mirë krahasuar me ato me probleme dhe ta zhytura në borxhe ndaj palëve të treta”- mësohet të ketë thënë Rama.

“Synimi ynë është unifikimi pagave të pushtetit vendor me ato në pushtetin qëndror. Ky disnivel pagash shikohet edhe po të krahasohet mes të punësuarve nga njëra bashki në tjetrën. Përshembull nëse një inxhinjer i punësuar në Bashkinë Durrës paguhet me 80.000 lekë, një inxhinier i punësuar në Bashkinë Fushë Krujë paguhet 40.000 lekë. Ky nivel pagash po krijon boshllëqe dhe pamundësi rekrutimi punonjësish në të gjitha bashkitë e vendit”- ka shtuar Rama më tej në fjalën drejtuar kryebashkiakëve.