Kryetari i Partisë së Lirisë, Ilir Meta, ka shprehur urimet e tij për të gjithë besimtarët muslimanë në prag të fillimit të Ramazanit. Përmes një postimi në rrjetet sociale, Meta ka shprehur dëshirën që ky muaj i shenjtë të sjellë shëndet dhe lumturi në çdo familje shqiptare.
Postimi i plotë i Metës është si vijon:
“GËZUAR MUAJIN E BEKUAR TË RAMAZANIT!
Agjërim të lehtë, të pranuar, të shëndetshëm dhe me mbarësi për të gjithë besimtarët myslimanë shqiptarë!
Qoftë përkushtimi juaj ndaj Zotit dhe besimit gjithnjë e më i madh dhe me vepra të mira, siç na udhëheqin porositë e Profetit dhe Kurani, në shërbim të çdo qytetari dhe në veçanti ndaj më të pamundurve!
Sjellë ky Muaj i Shenjtë bekime, shëndet dhe lumturi në çdo familje shqiptare!”
