Gjykata e Tiranës ka vendosur shtrimin e përkohshëm në spital psikiatrik për Jetnor Zh., 35-vjeçarin që kontrollonte familjen e tij me kamera, duke i mbajtur ata në izolim për një kohë të gjatë. Ekspertiza mjekësore ka përcaktuar se ai ka qenë i papërgjegjshëm në veprimet e tij.

Jetnor Zh. kishte ndërmarrë masa ekstreme, duke mbajtur të afërmit e tij të izoluar nga bota jashtë, duke përdorur kamera për të monitoruar çdo hap të tyre në banesë dhe edhe në tualet. Fqinjët denoncuan situatën, duke shprehur habinë për monitorimin e shpeshtë me kamera në shtëpinë e tyre.

Gjykata ka marrë vendimin e shtrimit të përkohshëm në spital psikiatrik, duke marrë parasysh rezultatin e ekspertizës mjekësore që dëshmon paaftësinë mendor të Jetnor Zh. Problemet me shëndetin mendor filluan të shfaqen kur ai njoftoi se dëgjonte zëra të ndryshëm dhe i ndiente si rrezik për familjen e tij. Dyshohet se ka pasur edhe raste të dhunës brenda familjes, megjithatë, bashkëshortja e tij nuk kishte denoncuar atë për shkak se e donte.

Në familje, situata ishte shumë e tensionuar dhe e ndërlikuar, pasi bashkëshortja kishte tentuar vetëvrasjen disa herë dhe kishte lënë letra lamtumire për familjarët, duke kërkuar falje.