Në një intervistë për “Independent Türkçe”, kryetari i Partisë së Lirisë, Ilir Meta, ka shprehur shqetësimet e tij lidhur me marrëdhëniet mes Shqipërisë dhe Greqisë, duke akuzuar kryeministrin Edi Rama për dëmtimin e tyre. Meta gjithashtu ka folur për rëndësinë e procesit të integrit, si dhe për iniciativën e “Ballkanit të Hapur”.

Meta ka theksuar se ndërtimi i institucioneve demokratike dhe lufta kundër sistemit oligarkik janë prioritetet kryesore të Partisë së Lirisë. Ai gjithashtu ka përmendur nevojën për forcimin e identitetit kombëtar dhe përshpejtimit të integrimit të Shqipërisë në BE dhe NATO.

Në lidhje me tensionet me Greqinë, Meta ka kritikuar veprimet e kryeministrit Rama, duke e akuzuar për komplikimin e çështjes së kufirit detar dhe mosvullnetin për zgjidhjen e çështjes çame. Nëse ka një çështje me histori të ndërlikuar midis dy vendeve, Meta beson se zgjidhja është e mundur dhe se interesat për bashkëpunim janë më të mëdha sesa tensionet aktuale.

Për sa i përket nismës së “Ballkanit të Hapur”, Meta e sheh atë si një inisiativë joreale dhe mungesë vullneti të qartë për të kontribuar në procesin e integrimit rajonal. Ai përshëndet rikthimin e Procesit të Berlinit në rrugën e duhur dhe shpreson që BE-ja do të marrë pjesë në projekte që synojnë heqjen e pengesave jofizike në rajon.