Liam Osmani është rikthyer në shtëpinë e Big Brother VIP 3 pas 14 ditësh izolim në burg. Ai u arrestua brenda shtëpisë së Big Brother për mashtrim, por u lirua të hënën pasi Gjykata e Tiranës pranoi kërkesën e tij për rishikim të vendimit penal për shkak të procesit të padeshiruar dhe të pa informuar plotësisht. Pas kthimit në studio, u zhvillua një televotim ku publiku vendosi për rikthimin e tij në lojë, duke konfirmuar rezultatin e kthimit të tij në shtëpi.

Osmani shprehu qëndrimin e tij duke thënë: “Kam qëndruar në Burgun e Rrogozhinës, atje nuk kishte televizor por kam qenë me mendje aty brenda. Atje ka djem shumë të mirë që ndodhen në të njëjtën situatë si unë. Nuk ia uroj askujt. Nuk ia uroj as nënave dhe as baballarëve si ata të mitë që u përballën me një situatë të tillë”.

Çështja për Osmanin do të rifillojë dhe do të shqyrtohet nga një gjyqtar tjetër, duke pezulluar ekzekutimin e vendimit të parë dhe lirimin e tij nga burgu. Osmani do të ketë mundësi të paraqitet në seancat gjyqësore, të mbroj veten dhe të ketë dijeni të plotë për gjyqin.

Liam Osmani ishte arrestuar brenda shtëpisë së Big Brother VIP pasi u zbulua se kishte përvetësuar bileta turistike për në Gjermani në vitin 2019, duke mos kryer pagesat përkatëse.