Arben Murto dhe policia Kostantinos Nakos janë lënë në burg pasi janë kapur duke transportuar 100 kg kanabis me makinën e policisë në Igumenicë.

Kanabisi u zbulua në automjetin e sektorit të anti-drogës së Igumenicës, drejtuar nga Nakos dhe Murto, nga fshati Shalës i Konispolit.

Murto ka deklaruar se besonte se po merrte pjesë në një operacion zyrtar të policisë, ndërsa Nakos pretendon se është përdorues kokaine prej kohësh, duke kërkuar ekspertizë për të vërtetuar këtë.

Oficeri Dimitrio Oikonomou është lënë në masën detyrim paraqitjeje “garanci pasurore” dhe “ndalim dalje jashtë vendit”. Droga u zbulua pas një përplasje me automjete të parkuara, ku u gjetën 19 pako kanabis me peshë totale 102 kg e 670 gram.