Një aksident ka ndodhur në afërsi të Fushë Mamurrasit, ku 3 persona janë plagosur.

Makina ka humbur kontrollin dhe është përmbysur në një kanal me ujë, siç tregojnë edhe fotot.
Tre personat që udhëtonin në mjet janë dërguar në spital për ndihmë mjekësore, ndërsa policia ka filluar hetimet për të zbardhur shkaqet e aksidentit.

Sipas raportit policor, rreth orës 11:30, shtetasi G. D., 19 vjeç, ka humbur kontrollin e automjetit tip “Audi A5”, duke rezultuar në daljen e automjetit nga rruga.

Nga aksidenti janë dëmtuar lehtë 3 pasagjerët në automjet, njëri prej tyre 18 vjeç dhe 2 të tjerët 17 vjeç, të cilët po marrin mjekim në spitalin e Kurbinit.

Grupi hetimor po punon në vendngjarje për të zbardhur rrethanat e aksidentit.