Prokuroria e Durrësit ka dërguar për gjykim dosjen në ngarkim të Mikel Pici dhe Piro Rushi për tentativë trafikimi të narkotikëve, pasi në autobusin e tyre u gjetën fshehur 13 kilogramë heroinë në Portin e Durrësit.
Ndërkohë, ata dyshohen për veprën penale “Trafikimi i narkotikëve” mbetur në tentativë. Në dëshminë e tyre, Pici deklaroi se nuk kishte dijeni për drogën e gjetur në autobus, ndërsa Rushi shprehu përvojën e tij si shofer autobusi për më shumë se 30 vite.
Arrestimi i tyre është kryer, pasi me date 29.04.2023 ora 22:30 gjatë përpunimit në terminalin e mjeteve të rënda në Pikën e Kalimit Kufitar Port Durrës, në automjetin tip autobus i markës Irisbus, me targa AB237DN, u gjendën të fshehura 26 (njezetë e gjashtë) pako me peshë 13.750 kg e dyshuar lëndë narkotike e llojit heroinë. Gjatë kontrollit personal të Mikel Pici atij ju gjenden dhe ju sekuestrua ne cilesine e proves materiale nje sasi prej 0.3 gr lende e dyshuar Kokaine. Gjithashtu ne lidhje me kete ngjarje jane sekuestruar gjithsej 8 telefona celulare ne cilesin e proves material, sipas pershkrimit ne proceverbalet e sekuestrimit”, thuhet në dosje.
Në dëshminë e tij Mikel Pici pronar i firmës “Keli Travel” ka deklaruar se nuk ka pasur dijeni për drogën e gjetur në autobus.
“Në lidhje me lenden e gjetur në autobus ky shtetas deklaron se s’ka asnje dijeni per këtë”, thuhet në dosje.
Shoferi pranë firmës “Keli Travel” Piro Rushi në deklarimin e tij shprehet se ka rreth 30 vite që punon si shofer autobusi, ndërsa ne lëtë firmë ka rreth 6 vite punë.
“Ai shprehet se rreth orës 13:00 ka shkuar në Rrogozhinë ku gjendej autobusi. Atje është takuar me pronarin Mikel Picin dhe ka filluar që të lajë autobusin për ta nërë gati per udhetim, ndërsa Mikeli është marrë me punët e tjera në thertore. Piro Rushi shprehet se ka shkuar së bashku me shtetasin Mikel Pici drejt Portit te Durrësit, ku me pas Mikeli është marre me prerjen e biletave”, nenvizohet më tej në dosje.
