Protesta e thirrur nga opozita jashtë Kuvendit eshte shoqëruar me tensione dhe përplasje mes efektivëve policorë dhe simpatizantëve të opozitës që janë mbledhur përpara godinës së Parlamentit.

Përplasjet kanë ndodhur kur protestuesit kanë tentuar të përparojnë drejt Kuvendit, por janë ndaluar nga policia. Në këtë kontekst, disa protestues kanë hedhur pjeshkë dhe kanë djegur goma në drejtim të forcave të rendit.

Tensionet dhe përplasjet para parlamentit mes protestuesve dhe policisë ka detyruar këtë të fundit që të marrë masa për shpërndarjen e qytetarëve.

Në një kohë që brenda parlamentit kishte tensione mes deputetëve të PD dhe kryetares së Parlamentit, jashtë qytetarët u përplasen me policinë.

Protestuesit kanë tentuar që të çajnë kordonin e policisë për t’iu drejtuar Kuvendit, por nuk janë lejuar nga policia.