Një aksident është regjistruar ditën e sotme në qytetin e Vlorës.

Sipas njoftimit të policisë:

Një polic nën efektin e alkoolit është përplasur me një automjet në bulevardin “Ismail Qemali”, në afërsi të poliklinikës. Drejtuesja e mjetit të aksidentuar ka përfunduar me urgjencë në spitalin e qytetit, por fatmirësisht, ajo është jashtë rrezikut për jetën.

Automjeti tip “Benz” me drejtuesin shtetasin A. C., i cili është punonjës policie jashtë shërbimit, është përplasur me një automjet tip “Audi” me drejtuesen shtetasen A. A. Nga veprimet e para në vendngjarje, ka rezultuar se shtetasi A. C. ka qenë në efektin e alkoolit.

Grupi hetimor dhe OPGJ të AMP-së, në drejtimin e Prokurorisë, vijojnë punën për sqarimin e rrethanave të aksidentit.