Fansat e Rihanna-s janë ende në pritje të dëgjojnë muzikë të re nga artistja e njohur, e cila nuk ka publikuar një album që nga viti 2016. Ndërkohë, Rihanna ka zgjedhur të “tallet” me fansat, duke u shfaqur në New York me partnerin e saj, A$AP Rocky, dhe veshur me një bluzë që shkruante: “Kam dalë në pension”. Kjo ka ngjallur aludime të shumta se ajo mund të ketë hequr dorë nga muzika për t’u fokusuar tek bizneset e saj, që përfshijnë produkte kozmetike dhe veshje të brendshme.
Edhe pse Rihanna ka qenë shumë aktive në biznes, fansat e saj ndjejnë presion për muzikë të re, sidomos duke parë se artistë të tjerë të njohur si Taylor Swift, Jennifer Lopez, Pink, Beyoncé, Shakira dhe Christina Aguilera kanë publikuar projekte të reja së fundmi. Kjo pritje e gjatë ka bërë që admiruesit të presin me padurim çdo lajm për kthimin e saj në industrinë e muzikës.
