Policia greke ka arrestuar Geraldo Shehun, të dyshuarin për vrasjen e recepsionistit të hotelit të tij. Arrestimi u krye në aeroportin e Korfuzit pas një urdhri nga Interpol Albania. Shehu, mbajtës i një pasaporte britanike, u ndalua pas një sinjali të kuq për vrasje të ndodhur më 6 qershor 2024 në Shqipëri. Pas verifikimeve dhe komunikimeve me prokurorin, Shehu do të mbahet dhe dërgohet në gjykatë për të zbatuar urdhrin e arrestit.
Në përshkrimin e arrestit, thuhet se mbajtësi i pasaportës të Britanisë së Madhe është Geraldi i biri i Asimit dhe Shpresës i datëlindjes 16.02.1981 në Memaliaj.
Gazetari Artur Bibe raporton se ndalimi i tij u bë brenda territorit të aeroportit mbas zonës chek-in, pasi po përgatitej të udhëtonte për Athinë në avionin e orën 20:00.
Prej verifikimit të të dhënave të tij rezultoi se në ngarkim të tij ekziston një sinjal i kuq për arrest me shkresë të Interpol me numër 234 lidhur me një vrasje të ndodhur në 06.06.2024 në Shqipëri.
U njoftuam nëpërmjet Sirene me shkresë të përkthyet nga autoritet shqiptare në funksion në nenit 2 dhe 6 të ligjit 3251/2004 për urdhrat europiane të arrestit dhe procedura të tjera. Për arrestimin e tij u njoftuan autoritet shqiptare.
