Në Komisariatin e Lushnjës janë paraqitur dy nëna që kanë denoncuar humbjen e kontakteve me fëmijët e tyre.

1.A. Q., 47 vjeçe nga fshati Ngurrëz e Madhe, ka raportuar se ka humbur kontaktet me djalin e saj 23-vjeçar, i cili punon në Gjermani. Sipas saj, prej dy muajsh nuk ka marrë asnjë informacion prej tij.

2.Një tjetër nënë, R. M., 56 vjeçe nga Lushnja, ka denoncuar humbjen e kontakteve me vajzën e saj 42-vjeçare. Ajo deklaroi se vajza është larguar nga banesa që nga muaji prill për të shkuar në Tiranë për punë, por nuk ka asnjë adresë të saktë të saj.

Policia ka njoftuar se është duke punuar për gjetjen e personave të zhdukur, por deri tani nuk dihen arsyet e humbjes së kontakteve me familjarët e tyre.