Një ngjarje tronditëse ka ndodhur në Greqi, ku një shqiptar, pas kthimit në shtëpi në gjendje të dehur, ka dhunuar bashkëshorten e tij dhe e ka kërcënuar me jetë. E gjithë skena ka ndodhur para syve të fëmijës së tyre, por kjo nuk e ka penguar shqiptarin që t’i afrohet të miturit dhe ta tmerrojë duke e kërcënuar me armë.

“Nëse flet do të të vras”, kanë qenë fjalët që babai i ka thënë fëmijës së tij, që të mos mbante anën e nënës të cilën e kishte dhunuar me grushte e shkelma.

Në mesin e gjithë kësaj situate, gruaja ka marrë fëmijën dhe ka shpëtuar nga duart e tij. Ajo ka shkuar në stacionin e policisë, duke denoncuar bashkëshortin, i cili përballet me akuzën e sulmit seksual, dhunës në familje, rrezikimit të një të mituri, dëmtimit të rrezikshëm trupor dhe mbajtjes pa leje të armës së gjahut dhe municionit.