Shërbimi Meteorologjik Ushtarak bën të ditur se edhe për ditën e nesërme vendi ynë do të vijojë të jetë nën ndikimin e kushteve të qëndrueshme atmosferike.

Moti parashikohet i kthjellët me zhvillime vranësirash mesatare dhe hera-herës deri të dendura nga orët e mesditës deri në ato të pasdites dhe kryesisht në relievet malore në lindje dhe jug të vendit.

Në relievet e larta malore në veri dhe zonën e jugut nga orët e mesditës deri ato të pasdites, parashikohen reshje shiu të izoluara dhe të dobëta. Lokalisht këto reshje parashikohet të jenë në formën e shtrëngatave dhe stuhive afatshkurtra.