Presidenti i Partisë së Lirisë, Ilir Meta, bëri një deklaratë të fortë mbrëmjen e sotme lidhur me marrëdhënien e tij me Monika Kryemadhin. Në një intervistë, Meta u pyet se si mund të bindte anëtarësinë dhe publikun se SPAK është i kapur nga Rama, kur nuk mund të bindte dot bashkëshorten e tij. Ai u përgjigj se për shkak të kësaj deklarate, zonja Kryemadhi tashmë është ish-bashkëshortja e tij.

Meta shtoi se ka ndjekur rrugën juridike dhe për këtë çështje ka njoftuar edhe djalin e tij, Besarin. Ai tha se në familjen e tyre, punët dhe llogaritë ekonomike, si dhe lëvizjet financiare, menaxhoheshin nga Monika Kryemadhi, pasi ai nuk kishte kohë për këto detyrime. I pyetur se pse kërkon divorcin nëse mendon se Kryemadhi është e pafajshme, Meta dha arsyet e tij, duke lënë të kuptohet se vendimi për divorc ishte i pashmangshëm për shkak të ndarjeve të thella mes tyre.