Dy gra pushuese nga Kosova kanë rrezikuar të mbyten sot në plazhin e Shëngjinit. Incidenti ndodhi në një ditë kur vrojtuesi i plazhit reagoi në kohë për të shpëtuar jetët e tyre. Pas nxjerrjes së tyre nga deti, të dyja u dërguan menjëherë me urgjencë në spitalin rajonal të Lezhës. Mjekët e spitalit konfirmuan se gjendja e tyre është stabile dhe janë jashtë rrezikut për jetën.

E gjithë zona bregdetare nga Rana e Hedhur deri në Kune ka qenë e mbushur me pushues, kryesisht shqiptarë të Kosovës, që nga hapja zyrtare e sezonit turistik më 1 qershor. Bashkia e Lezhës ka mobilizuar të gjitha resurset për të siguruar që bregdeti të mbetet i rregullt dhe i pastër për të gjithë vizitorët.