Katër persona, duke përfshirë edhe sulmuesin, u vranë të shtunën vonë pasi një person hapi zjarr në një festë ditëlindjeje në një fshat në Francë, raportojnë autoritetet, sipas AFP.
Sulmuesi iu afrua shtëpisë ku një 20-vjeçar po festonte ditëlindjen me familjen e tij në Espinase-Vozelle, një fshat me rreth 1,000 banorë rreth 60 kilometra në veri të Klermont-Ferrand. Ai hapi zjarr ndaj personave që po merrnin pjesë në festë, duke vrarë tre prej tyre. Më pas, sulmuesi vrau veten, konfirmuan autoritetet lokale.
Në mesin e të vrarëve janë i riu që po festonte ditëlindjen dhe babai i tij. Policia ende po mbledh informacione për sulmin, tha zëdhënësi i autoriteteve lokale.
