Një person është gjetur i vrarë me armë zjarri në zonën e Livades në Shkodër.

Viktima është shtetasi Endri Mustafa, 32 vjeç, i cili prej tre ditësh rezultonte i zhdukur.

Mësohet se familjarët e kishin denoncuar në polici, pasi prej disa ditësh i kishin humbur kontaktet.Mustafa kishte marrë dy mesazhe nga persona të panjohur, të cilët i kishin kërkuar të dilte dhe prej asaj dite familjarët nuk kishin asnjë informacion për të.

Ai u gjet i vrarë në zonën e Livadës, ndërsa paraprakisht mësohet se Mustafa ka qenë i arrestuar më parë.

Ende nuk ka detaje në lidhje me ngjarjen, ndërsa policia dhe grupi hetimor po punon për zbardhjen e vrasjes se Mustafes.