Të tjera detaje zbulohen lidhur me 32-vjeçarin Endri Mustafa, i cili u gjet sot i vrarë në Shkodër, pasi rezultonte i zhdukur prej tre ditësh. Duket se i ndjeri ka një të kaluar problematike, ku është dënuar më parë për plagosje.
Viktima Endri Mustafa është një emër i njohur në qytetin e Shkodrës. Mustafa është arrestuar në vitin 2016 për grabitje e arsenal armësh së bashku me vëllezërit e njohur Bilali, Astrit dhe Brahim Bilalin, si dhe Ardit dhe Bekim Torishtën.
Atëhere Mustafa akuzohej për “ Vjedhje me armë ”, “Plagosje e lehtë me dashje”, “Prodhim dhe mbajtje pa leje të armëve e municioneve lufatrake”.
Sipas policisë, gjatë kontrollit atëherë u sekuestruan 6 automjete të ndryshme, 2 anti-plumba, 305 copë fishekë model 56, 5 krehëra armë zjarri automatikë, 2 krehëra pistoletë TT, 5 skafandra motori, 4 maska dhe 4 kapuçë me ngjyrë të zezë, 7 copë fishekë model 54, 3 gëzhoja model 54, rroba me mbetje si gjaku dhe 8 telefona celularë të markave të ndryshme.
Emri i Endri Mustafës lakohet sërish në vitin 2020, ku ai shpallet në kërkim policor gjatë operacionit “Maranaj” për fajde.
Të përfshirë në skemë ishin Berhan Alija, Jonuz Alija bashkë me Endri Mustafën, Edi Memçaj, Ilir Sokoli, Artan Dragani, Pashko Vuksanelaj, Lulzim Sylja, Adri Bala, Naim Ahmeti, Vinko Nikprelaj, Eduart Fusha teksa skema u denoncua nga ish-prefekti Paulin Radovani ndërsa nuk ngelën pas as djemtë e tij, Robert dhe Elton Radovani.
Nuk dihen motivet që kanë çuar tashmë në vrasjen e Endri Mustafës që rezulton një person me precedent kriminal në Shkodër.
