Ish-banorja e Big Brother, Rike Roçi, ka tërhequr vëmendjen e publikut me një postim në “InstaStory”, ku ka lënë të nënkuptohet se gazetari Bledi Mane mund të bëhet baba. Në postimin e saj, Roçi publikoi një bisedë private, në të cilën Mane shkruan: “E kam lënë shtatzënë”. Ky mesazh ka ngjallur reagime, me bashkëbiseduesin që i shkruan: “Çfarë thua? Seriozisht e ke?”.

Roçi shpjegoi se publikimi i kësaj bisede është një formë hakmarrjeje për sekretet që gazetari kishte bërë publike rreth saj. Megjithatë, ajo vendosi të mos zbulojë emrin e gruas së përmendur, duke shtuar se do ta kursejë nga ky detaj.

“Është hakmarrje, edhe ti sekretet e mia i ke treguar para të gjithëve… nuk po e tregoj kë, po e kursej,” shkroi Rike Roçi, duke shtuar më tej misterin.

Nuk është e qartë nëse biseda është një shaka mes dy ish-banorëve të Big Brother VIP apo një hakmarrje reale. Gjithashtu, mbetet e pasigurt nëse mesazhet janë të shkëmbyera drejtpërdrejt me Rike Roçin apo kanë rënë në dorën e saj nga një burim tjetër.