Një 37-vjeçar shqiptar ka rënë në prangat e policisë gjermane në qytetin e Düsseldorf-it. Ngjarja ka ndodhur në rrugën Oststrasse, ku shqiptari ka tentuar të thyejë një shisha bar duke përdorur një levë për të hapur derën disa herë. Pasi nuk ka arritur të hapë lokalin, ai është larguar nga vendngjarja me një skuter.
Falë ndërhyrjes së shërbimeve të urgjencës, policia arriti të gjurmojë vendndodhjen e tij, pasi ai ishte parë të largohej në drejtim të perëndimit. Gjatë kontrollit të kryer nga autoritetet, te shqiptari u gjet leva e përdorur për tentativën e thyerjes së lokalit.
