Tetë emigrantë kanë humbur jetën gjatë natës në brigjet e Francës, teksa përpiqeshin të kalonin Kanalin në La Mansh. Autoritetet detare franceze kanë raportuar se 200 persona janë shpëtuar brenda një periudhe 24-orëshe nga e premtja në të shtunën.

Personat u shpëtuan nga katër varka të ndryshme nga roja bregdetare franceze. Një prej varkave kishte 61 persona, një tjetër kishte 55, ndërsa dy të tjera përfshinin 48 dhe 36 individë secila.

Ky incident tragjik ndodh vetëm disa ditë pas një prej tentativave më vdekjeprurëse për kalimin e Kanalit këtë vit, kur gjashtë fëmijë dhe një grua shtatzënë humbën jetën mes të paktën 12 emigrantëve që vdiqën pasi varka e tyre u shqye.

Më 3 shtator, gjatë një operacioni të madh shpëtimi ajror dhe detar jashtë pikës Gris-Nez, midis Calais dhe Boulogne-sur-Mer, më shumë se 53 të mbijetuar u nxorën nga ujërat, duke përforcuar alarmin mbi kushtet e rrezikshme të këtij kalimi. Deri më tani, më shumë se 30 njerëz kanë vdekur gjatë tentativave për të kaluar Kanalin në vitin 2024.

Gjithashtu, rreth 400 emigrantë kanë arritur të mbërrijnë në Britani gjatë shtatë ditëve të fundit, sipas shifrave zyrtare, duke e çuar totalin e përkohshëm të këtij viti në mbi 21,000 persona.