Dy persona janë arrestuar ditën e sotme në Lushnjë, pasi kishin përshtatur një lokal për përdorim të lëndëve narkotike dhe lojrave të fatit. Në pranga kanë rënë 23-vjeçari me iniciale J.T., pronari i lokalit, dhe 21-vjeçari me iniciale K.A., kamarieri.
Gjatë kontrollit të aparateve celular të të dyve, shërbimet e Policisë gjetën faqe të ngjashme me ato të lojrave të fatit. Po ashtu, nga kontrolli i lokalit u gjetën dhe u sekuestruan doza të lëndës së dyshuar narkotike, cannabis sativa.
Njoftimi i Policisë:
Lushnjë/Aksione të përditshme në kuadër të megaoperacioneve “Tempulli” dhe “Sundimi i Ligjit”. Në kuadër të këtyre operacioneve, shërbimet e Komisariatit të Policisë Lushnjë kanë goditur një tjetër rast të përdorimit të lëndëve narkotike në lokale, si dhe përshtatjen e lokalit për aktivitetin e jashtëligjshëm të lojrave të fatit.
Në këtë rast, janë arrestuar në flagrancë shtetasit J.T., 23 vjeç, dhe K.A., 21 vjeç, pronari dhe kamarieri i lokalit, të dy banues në Lushnjë. Ata kishin përshtatur lokalit në lagjen “Loni Dhamo” për përdorim të lëndës së dyshuar narkotike cannabis dhe për aktivitetin e lojrave të fatit.
Nga kontrolli i lokalit u sekuestruan lënda narkotike, një grirëse dhe pesë aparate celularë. Materialet procedurale u kaluan Prokurorisë për veprime të mëtejshme.
