Komisioni Qendror i Zgjedhjeve (KQZ) pritet t’i japë sot mandatin e deputetit Andrea Manos, i cili do të zëvendësojë në Kuvend Ervin Salianjin, pas dënimit të këtij të fundit me një vit burg për kallëzim të rremë.
Dënimi i Salianjit në lidhje me çështjen e njohur si “Dosja Babale” ka krijuar një vakancë në Kuvend, e cila tani do të plotësohet nga Manos. Sipas rezultateve zgjedhore të vitit 2021, Andrea Manos ka marrë 5465 vota dhe është pasuesi që do të marrë mandatin e deputetit.
Ky zhvillim është bërë gjithashtu shkak për nisjen e aksioneve të reja parlamentare nga opozita, duke përfshirë djegien simbolike të karriges së deputetit nga Salianji, si dhe organizimin e një proteste më 7 tetor, për të kundërshtuar vendimin gjyqësor ndaj tij.
