Kanë mbetur vetëm edhe pak orë deri në nisjen e spektaklit madhështor të Big Brother VIP Kosova 3. Prezantuesi i këtij reality show, Alaudin Hamiti, ka zbuluar disa detaje nga skena spektakolare, e cila premton surpriza të pafundme për audiencën.
Fillimisht, ishte miku i tij, dizajneri Valdrin Sahiti, ai që e fotografoi Alaudin Hamitin në hapësirën e skenës. Kjo foto më pas u shpërnda nga Hamiti në Instagram, duke rritur pritshmëritë për natën e sotme.
Në këtë edicion, Alaudin Hamiti do të jetë i shoqëruar nga Jonida Vokshi, ndërsa opinonistët do të jenë Milaim Zeka dhe Olta Gixhari. Producentja ekzekutive e programit është Olsa Muhameti, e cila ka kontribuar për realizimin e këtij spektakli.
Qëndroni para ekraneve të Klan Kosova dhe Art Motion duke filluar nga ora 21:00, sepse ju pret një natë e gjatë, e mbushur me emocione dhe befasi të papritura!
