Italia u godit nga një stuhi e fortë shiu këtë fundjavë, duke i kthyer rrugët në lumenj dhe duke shkaktuar një viktimë. Simone Farinelli, një 20-vjeçar italian, humbi jetën mbrëmjen e së shtunës pasi mbeti i bllokuar në makinën e tij që u mbulua nga uji.

Simone dhe vëllai i tij, Andrea, po udhëtonin së bashku me një “Toyota Yaris”, kur rruga u përmbyt papritur nga uji. Andrea, 24 vjeç, arriti të dilte nga makina, por fatkeqësisht Simone mbeti i bllokuar.

“Gjithçka ndodhi brenda pak sekondash. Unë u hodha nga makina, ndërsa ajo tashmë po shtyhej nga uji,” deklaroi Andrea në polici, duke përshkruar momentin tragjik.

Andrea dhe Simone Farinelli

Zona e Bolonjës dhe Emilia Romagnia prej 24 orësh ndodhen nën ujë, për shkak të reshjeve të dendura të shiut.

Kujtojmë që kjo është hera e dytë brenda muajit tetor që në Itali jepet alarmi i kuq për përmbytje.

Dy ditë më parë edhe Franca ndodhej nën vëshimin e uijit në rrugë, një situatë e pazakontë kjo gjatë viteve të fundit në Europë.