Policia ka siguruar foton e Izmir Sakices, një nga dy personat në kërkim për t’u marrë në pyetje lidhur me atentatin e ndodhur në Shkodër më 30 tetor. Sakica, së bashku me Samuel Troshanin, po ashtu është në kërkim për një ngjarje tjetër të ndodhur më 23 gusht 2024 në Bushat të Shkodrës, ku dyshohet se ka pasur një shkëmbim zjarri mes tyre dhe dy vëllezërve, Andrea dhe Aleksandër Prendi.

Gjatë këtij shkëmbimi zjarri, u qëllua me breshëri plumbash një mjet i blinduar tip ‘Audi’, por fatmirësisht nuk pati të lënduar. Në lidhje me këtë ngjarje, policia ka shoqëruar Safet Bajrin, i cili pas hetimeve është lënë i lirë. Autoritetet vazhdojnë hetimet për të zbardhur këto ngjarje dhe për të kapur personat e kërkuar.