Dy të rinj shqiptarë, të moshës 20 dhe 24 vjeç, janë arrestuar nga policia italiane nën akuzën e trafikut të drogës. Kohët e fundit, policia kishte nisur të monitoronte me kujdes lëvizjet e tyre, për shkak të dyshimeve për përfshirje në veprimtari të paligjshme.

Të shtunën, oficerët ndoqën të rinjtë teksa hynin në parkingje të ndryshme supermarketesh në zonat mes Tavernola dhe Cernobbio, ku zhvillonin takime me disa persona të tjerë. Pas vëzhgimit dhe dokumentimit të aktivitetit të tyre të trafikut të drogës, policia vendosi të ndërhyjë në një lokal në Carate Urio, ku dy të rinjtë po përgatisnin një dërgesë tjetër.

Gjatë kontrollit të automjetit të përdorur prej tyre, oficerët gjetën 10.5 gramë kokainë të fshehur në kroskot, si dhe 540 euro para të gatshme. Gjithashtu, gjatë kontrollit në banesën e të rinjve, u zbuluan 60 gramë kokainë të ndarë në doza gati për shitje, si dhe rreth 2500 euro në para të gatshme.