Një automjet është përfshirë nga flakët në orët e para të mëngjesit të sotëm në qytetin e Vlorës, duke shkaktuar dëme edhe në dy makina të tjera të parkuara pranë tij. Sipas njoftimit të policisë, ngjarja ka ndodhur rreth orës 01:15 në lagjen “Lef Sallata” dhe dyshohet se zjarri është shkaktuar nga një shkëndijë elektrike në automjetin tip “Volkswagen”, në pronësi të shtetasit D. F., banues në Vlorë.
Si pasojë e zjarrit, automjeti “Volkswagen” u dogj plotësisht, ndërsa dy automjete të tjera pranë tij u dëmtuan pjesërisht. Materialet lidhur me këtë ngjarje janë referuar në Prokurori për vlerësim dhe për veprime të mëtejshme.
