Në fjalën e tij në Kuvend, deputeti i Partisë Socialiste, Toni Gogu, iu referua ngjarjes së ndodhur disa javë më parë, kur Gazment Bardhi goditi kryetaren e Kuvendit, Elisa Spiropali, duke shprehur shqetësimin për mënyrën se si opozita po i shprehë kundërshtimet e saj. Gogu tha se opozita nuk arrin më të ndezë debate me ide dhe vizione, por vendos të përdorë karrige dhe të sulmojë fizikisht drejtuesit e Kuvendit.

Ai theksoi se Kuvendi është një sallë debati, ku përplasen ide dhe argumente, dhe jo një vend për veprime fizike. “Sot kemi rregulloren e Kuvendit dhe shqetësimet që po sillni, kjo sallë është sallë ku ne debatojmë, jo ku ne reshtim argumentet dhe zëmë këmbët e karriges”, tha Gogu, duke shtuar se kjo ka për qëllim të tregojë një sjellje të papranueshme për institucionin që përfaqëson qytetarët.

Ai e quajti sjelljen e opozitës të papërgjegjshme dhe apeloi për një kthim te diskutimi i ideve. “Të nderojmë qytetarët që na ndjekin dhe të zbatojmë vendimet e gjykatave”, tha Gogu, duke theksuar se Kuvendi duhet të jetë një vend ku zhvillohen debate konstruktive dhe jo ku përdoren dhunë dhe përplasje fizike.