Kryeministri Edi Rama njoftoi se Shqipëria do të presë samitin e radhës të Komunitetit Politik Europian vitin e ardhshëm, gjatë gjysmës së parë të vitit 2025. Ai shprehu kënaqësinë e tij për mundësinë që vendi të mikpresë këtë ngjarje të rëndësishme, duke theksuar se ka shumë tema dhe çështje të rëndësishme që do të diskutohen gjatë këtij takimi. Rama vuri në dukje se një nga çështjet kryesore që do të jetë në fokus është ndryshimi i klimës, i cili është i pranishëm kudo dhe është një ndër prioritetet kryesore të vendeve europiane.
Përveç kësaj, ai shprehu krenarinë e Shqipërisë që do të mikpresë këtë samit dhe do të ketë mundësinë të kontribuojë në diskutimet mbi sfidat më të mëdha që përballojnë shtetet e Bashkimit Europian.
Samiti i Komunitetit Politik Europian i vitit 2025 do të mblidhë 50 liderë të Europës, përfshirë Sekretarin e Përgjithshëm të NATO-s, Mark Rutte. Diskutimet do të përqendrohen te sfidat e përbashkëta që shtetet europiane po përballojnë, si pasojat e vazhdueshme të luftës në Ukrainë dhe çështjet e emigracionit, që janë problematika që prekin shumë shtete të Bashkimit Europian.
“Po marrim stafetën për takimin e ardhshëm të Komunitetit Politik Europian në Shqipëri, gjysmën e parë të vitet që vjen. Ka shumë gjëra për tu diskutuar. Ndryshimi i klimës është i kudogjendur dhe në krye të përparësive të vendeve europiane. Jemi krenarë ta mikpresim këtë takim. ”, tha Rama.
