Një fluturim i linjës “Ryanair” nga Tirana për në Mançester ka përfunduar tragjikisht për një nga pasagjerët. Fluturimi u detyrua të devijonte papritur në Aeroportin Londra Stansted për shkak të një urgjence mjekësore në bord. Sipas informacioneve të publikuara, burri që humbi jetën gjatë fluturimit nuk është identifikuar ende dhe mosha e tij nuk është bërë e ditur.

Fluturimi u nis nga Tirana dhe kaloi mbi Itali, Zvicër dhe Francë, para se të devijohej në Londra Stansted rreth orës 20:00. Një zëdhënës i Shërbimit të Ambulancës Lindore të Anglisë konfirmoi se, pavarësisht përpjekjeve për të shpëtuar pasagjerin, ai u shpall i vdekur në bord.