Një shqiptar është ekzekutuar me armë zjarri në Greqi. Sipas mediave greke ngjarja ka ndodhur pasditen e kësaj të diele në një lokal në lagjen Sepolia në Athinë.

Mësohet se një person ende i paidentifikuar është futur në lokal dhe ka ekzekutuar me 8 plumba 34-vjeçarin shqiptar nga Vorio Epiri, i identifikuar si Aristides Pappas.

I riu shqiptar ka ndërruar jetë në vend, ndërsa autori është larguar me taksi.

34-vjeçari ka qenë një person me precedent kriminal pasi është akuzuar e arrestuar më parë për trafik droge e grabitje.

Dyshohet se vrasja është një larje hesapesh mes bandave të trafikut të drogës që operojnë në qendër të kryeqytetit grek.

Mediat greke raportojnë se shqiptari është sulmuar edhe herë të tjera, pasi dyshohet se ka qenë i përfshirë në raste të trafikut të drogës, por edhe vrasje apo pastrim parash.

Policia dhe grupi hetimor po punojnë për zbardhjen e ngjarjes.