Një shpërthim me lëndë plasëse ndodhi mbrëmjen e kaluar në qytetin e Orikumit, duke shkaktuar dëme të vogla materiale. Sipas raportimeve nga policia, ngjarja ndodhi rreth orës 02:00 në verandën e banesës së shtetases E. B., 68 vjeçe. Dyshohet se lënda plasëse ka qenë artizanale dhe e një sasie të vogël.

Fatmirësisht, nuk pati persona të lënduar nga ky incident, ndërsa dëmet materiale kanë qenë minimale.

Grupi hetimor ka nisur menjëherë punën për të zbardhur rrethanat e ngjarjes. Policia është angazhuar në hetime për të identifikuar dhe kapur autorët e shpërthimit.