Vijon ndikimi i masave ajrore të paqëndrueshme mbi vendin tonë, ku skaji verior dhe verilindor paraqiten me vranësira të dendura dhe shira të izoluar e të pakët, nuk përjashtohet mundësia edhe e ministuhive afatshkutra të breshërit.

Ndërsa mbrëmja dhe nata sjellin largim gradual të vranësirave në Republikën e Shqipërisë duke bërë që moti i kthjellët të jetë dominues në zonat bregdetare dhe të ulëta, por mbeten të dukshme vranësirat në zonat përgjatë kufirit lindor.

Sipas Meteoalb, sot temperaturat do të kenë një rritje të lehtë ku do të variojnë: në zonat malore, nga 09°C në 19°C, në zonat e ulëta nga 14ºC në 26°C dhe në zonat bregdetare nga 17°C në 27°C.

Era do të jetë në drejtim Veriperëndimor ndërsa forca e valëzimit në det do të jetë mbi 3 ballë.