Një nga çiftet më të dashura të showbiz-it shqiptar, Klea Huta dhe Elgit Doda, janë rikthyer në qendër të vëmendjes pas zërave në rritje se martesa e tyre dyvjeçare mund të ketë marrë fund.

Prej disa javësh, mediat rozë kanë aluduar për një krisje në marrëdhënien e tyre, madje edhe për mundësinë që këngëtari të ketë nisur një lidhje të re. Dyshimet janë shtuar nga fakti se çifti nuk është parë më bashkë, as në evente publike dhe as në rrjetet sociale – një ndryshim i dukshëm për fansat e tyre.

Ndërkohë, një postim i fundit i Klea Hutës në Instagram ka ngjallur sërish reagime. Moderatorja ndau në “Instastory” një pjesë teksti nga një këngë me tone të ndjera, që shumë e kanë interpretuar si një mesazh i koduar për Elgitin:

“Do të mungojnë buzët e mia, si buzë greminë, ku qëndroje.
Do të mungojnë duart e mia, ku trupin tënd lëshoje.”

Megjithatë, as Klea dhe as Elgiti nuk kanë bërë ndonjë reagim publik për të konfirmuar ose mohuar ndarjen, duke zgjedhur të mbeten në heshtje.

Pak ditë më parë, Klea publikoi disa foto ku në fokus ra unaza e diamantit – dhuratë nga Elgiti në ditëlindjen e djalit të tyre. Fakti që ajo e mban ende unazën në gisht, është parë nga ndjekësit si shenjë pajtimi ose të paktën mosndarjeje përfundimtare.

Për momentin, mbetet e paqartë nëse bëhet fjalë për një periudhë të vështirë në çift apo për një ndarje të vërtetë — por fansat e tyre shpresojnë ende për një “happy end” të dashurisë së Kleas dhe Elgitit.