Një pyetje provokuese e Ludos drejtuar Klodit ka shkaktuar debat të fortë dhe tensione të dukshme në shtëpinë më të famshme në vend. “A je gay? S’je. Nuk mundet me pasë veç shoqni mes një djali dhe vajze kur pëlqen femrat”, ishte deklarata e Ludos që acaroi menjëherë Klodin.

Reagimi i këtij të fundit ishte i ashpër dhe emocional, duke kaluar nga kundërshtimi verbal në përdorimin e fjalëve fyese. Klodi iu drejtua Ludos me terma si “klloshar” dhe “budall”, duke e përshkallëzuar më tej situatën.

Debati u zhvillua në prani të banorëve të tjerë, të cilët u përfshinë indirekt në tensionin e krijuar, ndërsa tema e miqësisë mes gjinive dhe kufijtë e saj ndezi diskutime të shumta edhe mes konkurrentëve.

Ngjarja pritet të ketë pasoja në raportet brenda shtëpisë, ndërsa publiku po reagon gjerësisht në rrjetet sociale për gjuhën e përdorur dhe natyrën e debatit.