Nga mjete luksoze si Lamborghini Huracan, Maserati Ghibli dhe Rolls Royce Phantom, deri tek kamionë, autobusë, furgonë, motorë, gomone dhe anije – Agjencia për Administrimin e Pasurive të Sekuestruara dhe të Konfiskuara (AAPSK) ka publikuar dy katalogë të rinj që përmbajnë informacion të detajuar për pasuritë e luajtshme të sekuestruara dhe të konfiskuara.

Pjesa më e madhe e tyre janë automjete, disa në gjendje luksoze e të mirëmbajtur, të tjera të amortizuara. Qëllimi i publikimit është rritja e transparencës dhe krijimi i aksesit publik për institucionet dhe qytetarët, në përputhje me misionin për forcimin e sundimit të ligjit dhe administrimin e drejtë të pasurive të sekuestruara.

Katalogët përfshijnë detaje si marka, modeli, vlerësimi nga vendimi gjyqësor, statusi ligjor dhe gjendja aktuale e mjeteve. Më herët, AAPSK ka publikuar edhe katalogë të pasurive të paluajtshme si toka, ndërtesa dhe shtëpi