Kreu i Lidhjes Demokratike të Kosovës, Lumir Abdixhiku, foli për mediat pas një takimi me kryeministrin Albin Kurti në Kuvend, duke i kushtuar vëmendje çështjes së presidentit dhe afatit kushtetues që po afron.

Abdixhiku tha se ekzistojnë vetëm dy opsione për zgjidhjen e situatës: ose të arrihet një konsensus politik mes faktorëve kryesorë të vendit brenda 90 ditëve, ose të ndjeket një marrëveshje tradicionale politike.

“Dakordimi i përgjithshëm është se ka vetëm dy rrugë, dhe duhet konsensus politik, mes faktorëve të vendit, dhe ky konsensus politik duhet të ndërtohet mes këtyre 90 ditëve, ose duhet një marrëveshje klasike politike”, tha ai, duke nënvizuar nevojën për dialog dhe bashkëpunim për të shmangur krizën institucionale.