Një 50-vjeçar shqiptar është dënuar me 28 vite burg nga gjykata e apelit të Larisa në Greqi për abuzim me të mitur.

Sipas mediave greke, shqiptari në vitin 2013 përdori mjedisin familjar për të kryer akte të turpshme me dy vajzat e bashkëatdhetarëve të tij.

Ka qenë abuzimi me një vajzë 6-vjeçare që ka zbuluar aktin e 50-vjeçarit. Në vitin 2013, shqiptari i ofroi të miturës ta dërgonte në shtëpi me makinë.

Por ai e dërgoi të miturën në një fushë dhe tentoi ta puthte. 6-vjeçarja ka reaguar duke bërtitur ndaj dhe shqiptari hoqi dorë.

Më pas e mitura i ka treguar për ngjarjen gjyshes së saj e cila më pas e denoncoi në polici. Nga hetimet e kryera, rezultoi se ai ka abuzuar me një tjetër vajzë të mitur për 4 vite, nga mosha 7 -11 vjeçare.

Nënat e vajzave dëshmuan në seancën gjyqësore të zhvilluar dy ditë më parë, tmerret që përjetuan vajzat e tyre.

50-vjeçari shqiptar me qetësi ka pranuar akuzat ndaj 7-vjeçares por mohon tentativën për të puthur 6-vjeçaren në makinë.

Ai ka kërkuar falje kur gjykatësi e ka pyetur se si një baba me 4 vajza mund të bëjë një gjest të tillë. Së fundmi gjykata e dënoi me 28 vite burg, që pas dënimit të shkurtuar ulet në 20 vite si dhe një gjobë prej 36 mijë eurosh.