Për herë të dytë në këtë muaj, administrata e Presidentit Biden ka miratuar shitjen emergjence të armëve për Izraelin, duke anashkaluar procedurat e Kongresit. Vendimi vjen në kontekstin e vazhdimësisë së konfliktit ndërmjet Izraelit dhe Hamasit në Gazë, duke përballuar kritika ndërkombëtare. Sekretari i Shtetit, Antony Blinken, ka njoftuar Kongresin për një vendim të dytë emergjence për shitje paisjesh ushtarake me vlerë prej 147.5 milionë dollarë.
Departamenti i Shtetit argumenton se kjo veprim emergjent është në mbrojtje të interesave kombëtare të Shteteve të Bashkuara dhe sigurisë së Izraelit. Vendimet emergjente lejojnë anashkalimin e shqyrtimit të zakonshëm nga Kongresi për shitjet e armatimeve. Këto veprime janë të rralla, por janë marrë kur ka nevojë urgjente për furnizim të menjëhershëm të armëve. Në dhjetor, Sekretari Blinken ka miratuar një shitje emergjence të predhave për tanket për Izraelin, vlera e së cilës kalonte 106 milionë dollarë.
Për shkak të urgjencës së nevojave të mbrojtjes së Izraelit, sekretari njoftoi Kongresin se ka ushtruar autoritetin e deleguar për të vendosur se ekziston një emergjencë, për shkak të së cilës është i nevojshëm miratimi i menjëhershëm i transferimit (të paisjeve). Shtetet e Bashkuara janë të përkushtuara për sigurinë e Izraelit, dhe është jetike për interesat kombëtare të Shteteve të Bashkuara që Izraeli të jetë në gjendje të mbrohet nga rreziqet që i kanosen”, tha Departamenti i Shtetit.
